Tuni Blog Puah Sawm

Covid 19 pandemic kum nihna a second wave a chih uh veng nailou lai in vaigam leh zogam ah mihing puk zungzungin ani ani in kha ke ziahziah mai hi. Kei omna, Assam ah leng veng tuankei mahleh ka nasepna, sorkal lamin essential service a hon huamsak manun nitengin office dakkal 2 khong ki kaisek hi. Dak 12 apan curfew ahihmanin dawr leh bangkim dak 11 a khak ding chih ahi a, kou bel dak 12 phial khongin ka khakzou phet sek uhi. Tuni kiginni (5.6.2021) kikhawll hiven chi in ka blog ah ka lutzual a, blog pen kua adin bangmah hikei mahleh laigelh koihchingna a ka zatpen hi sim ahihmanin lutmun deuha puah leh a mellatdan khong le khek ding chichi napi in leh lockdown ziaka man le kimanlua himahleh blog ah  va ki vaklut kha khollou sek hi.

I va lut hial leh khoihlouhna sawtta ahihmanin puahna dia a koi a khoih masa ding chih bang le theihin om kei zozen e. Blog sunglam puah dia a tawnga omte khong bangle ki update nawnlou hileh kilawmin a bul patna dipen theilou a nuse nawn di ka bang mai in ka thei. Label category sunga omte neukha khekkual zek maimai in nuse phot mai ni. A kha tandeuh hun hong om chianga dingin sit ni e.

Blog Templates

Blog puah ding in a template leng blogspot a omloute zang ding i chih hi a, deihdan a bawl ding in a code khong edit a khoihzek ngai mawk ei. A codete deihbang a kisiamlou ahih man in en detdet a try ngai leh kilawm. Huchitel a hun lah kipe man lou zel a, va khoih man in khoihkhoih le zaw hun sawtpipi zat khak theih leh kilawm. Tua om lel pen le khat ka mvuah maimai ahi a, mandeuh a rem chan chianga a hoih zaw zon a bawl zek sawm di hilou di hia.

Tuni Blog Puah Zek

Ka blog ka vehlouh, ngaihsaklouhna a sawt simta a, banghiam chiang a link khong ki koih khe zeuhzeuh kha sek ahihman in a mel latdan hi nengnung sim ahihman in tuni neukha ka na zutmam zek hiven. Hoihtak a puah a amel mahmah le kilawmtak a bawl dia hoih zaw hiven, deih bang a kingaihsak manlou ahi pen mai ding. Awl a man dandan a khoih touh zel a, lai le gelh nawn tak di chihsim zaw hiven, bang hong chi diam ah

TUNI BLOG PUAHZEK

Ka blog hi ka ngaihsak man kei seka, hon le ka hong kha ngei kei sek hi. Tuni chu bang tak ahia chi in ka na update zek in kana khoih zeka, a mel khong ka na khek zek hi. Renovation nasa taka bawl kul ana himawk ahi chih ka theikhia a, bawl tuak leh bawl ding tampi a omlai kha ding. Laigelhte bangle puahtuak correct tuam a omtham dingin ka gingta hi. Himahleh deihbang a hun kipe zoulou ahihman in hichi dan in kon koih phot ding. A mel chu neukha a tuam zekta.

A mukha hizaw zaw deuh leh chih nei na om u leh hon hilh un. Awlin ka mandan dungzui in ka na update in ka na puah touh zel ding hi.

Website Lui a Data Na Om Nawnlou Mawka..

2000 leh 2001 lak velin html code a gelh ngiat website khat - JANGPHUALVA- chih kabawla, a url ahihleh www.geocities.com/phualz ahi. Huai site ah 1990s a Silchar a ka omlai a i nam dinmun/politics chih khong ka vei leh awlmoh teite ka gelhkhiak bangzah hiam ka koih a, huaiban ah i nam folklore khong leh personal deuh hon paisanta ka pate unau  mualsuang (suangdoh) internet a doh chizen in ka koih hi. Huan ah messageboard (forum) leh guestbook bang leng ka koih hi. English Section leh Eipau in ka khen a, Zomite tanchin mithupi, anthropologist etc te gen khong ka koih a, kuate'n banggen chi'n Zomi mimasa leh mipilte thugen khenkhat ka koih bok hi.