Hitang-khosik chihdan in tukal office ka kaikei a, zan nitaklam in hiai ka blog neukha ka puah zual hi. Tuni le sunzom ding chia ka et dek leh a puah lam a paikhalou in a kigelh mun khat ka sim zaw kha hi. Huchi in a masalam leh tulai a ka laigelhdan a kibatlouh lamtak ka phawk hi. Lunglut a kihi di chu, siam man hilou in na ki gelh kha zekzek a, kep khaklouh a mangthang bang le ana omsam ahihna a a kepna dia hiai blog ka bawl mah ahi a, mi a ding in lungluthuai kei mahleh ka phawk khak chiang in ka va dak zel hi. A khenchiang in kha nih ka thum nung bang in ka va dak a, a khek chiang in lah ni khat ni nih nung in. Lehlam ah tuh hiai a ka laigelh omte ZogamOnline website ah a omkim phial maithei.
Tuni a ka dakna a ka phawk, ka laigelhdan kibanglou ka chihlam ah kong lut ding. School kailai Paite MIL ki simkhalou himahleh huchibang dinmun a om midangte bang thou in eipau gelhdan khat na ki nei thou hi. A khonung in Paite MIL laibu khong ka muhtheihte ahithei tan in ka en a huai a laigelh dan ki bikhiahte zuih ka sawm hi. Himahleh ana zilkhalou mah a ki hihziak a diam, zuihutlouh man hilou in ki zui thei khollou a bang hi. Mi khenkhat in PLS laigelhdan zuiloute a thukhel dan in mu pah mawk uh a batton a om hileh kilawm kasa a, himahleh amau mah in le zuizou tuanlou, PLSte mah mah in le (a laibu gelhte uh i sim leh) zuizou tuanlou uh hileh kilawm a batton om mawk hi. Lehlam ah laibu a kibawl chiang PLS laigeldan bikhiah a thei leh a siam deuh khat in editing a bawllouh man le ahikha maithei.
Gen tup louh lamlam ah saupi a ki tung man a, midang zaw thei khang; kei laigelh mahmah ka et chiang in hun a hong paipai leh ka gelhdan, ka deihdan bang hong kikhengkheng mawk hi. A diak in thumal khen leh gawm, gelhmat leh matlouh, laimal zat khong ah. Hiaite hi internet khovel a i unau- Mizo lai, Tedim lai, Thadou lai etc zangte gelhte khong i sim khakkhak leh huaite influence le ahihna a om kha diam, mi tamzaw sem in i lai a simtheih ua, a theihkhelhlouh ding uh (confuse louh ding) deihna a hong om a huai ziak a keima laigelh dan le hong kikhek khek a diam ka chisim hi.
PLS laigelhdan bikhiah i chih bangle puah a etthak thak ana ngai kha ding hitah chih in a om hi.
Gen tup louh lamlam ah saupi a ki tung man a, midang zaw thei khang; kei laigelh mahmah ka et chiang in hun a hong paipai leh ka gelhdan, ka deihdan bang hong kikhengkheng mawk hi. A diak in thumal khen leh gawm, gelhmat leh matlouh, laimal zat khong ah. Hiaite hi internet khovel a i unau- Mizo lai, Tedim lai, Thadou lai etc zangte gelhte khong i sim khakkhak leh huaite influence le ahihna a om kha diam, mi tamzaw sem in i lai a simtheih ua, a theihkhelhlouh ding uh (confuse louh ding) deihna a hong om a huai ziak a keima laigelh dan le hong kikhek khek a diam ka chisim hi.
PLS laigelhdan bikhiah i chih bangle puah a etthak thak ana ngai kha ding hitah chih in a om hi.
No comments:
Post a Comment