ZOLMA 2013 ding a ZOL Lamka chapter nasa tak a ahong kisak vengvung thawm un zak ahih chiang in tulai internet hun a i omdan leh thil nasatak a kikhek ahihna gelhkhia zual in sakthoh dia la a ana bawltheih uleh hoih chin ZOLMA 2013 FB Group ah lawmte a ding in ka post hi. A kaih, lasiam Muan Hangzo bawlsak ding a chi ua; ni bangzah hiam nung a Jammang Guite toh ka kihouna uah, "Muan Hangzo in a lathu pen pau tuamtuam a bawl ding in lem a sa diam" a chi a hon chih leh, lemsa chiahlou a pau tuamtuam a bawl dia hiai ki gelh thak ahi hi.
By Ginpu Guite on Monday, November 4, 2013 at 2:37pm
By Ginpu Guite on Monday, November 4, 2013 at 2:37pm
NAMPUAN KHAT
-Phualva
Nopni dahni a silh leh ten, nampuan
Kawlgam vaigam a Zomite nampuan
Et in lawm mahleh azia kikhatlou
Kikhat leh etlawm zaw kan lai ding aw
1.Kho khat pau kikhat, a nampuan kidang
Kho khat pau khatlou, a nampuan kidang
Beh khat pau kikhat, a nampuan kidang
Beh khat pau khatlou, a nampuan kidang
2. A nampuan, akhua aveng a a zat
A chipih a sapih khodang vengdang
A omte a toh na kibanglou a
A kibat na ding bawltheih lah neilou
3. Bukpi leh Buanli khua a Naulak pa
Kangvai leh Kawlpi khua a Suantakpa
Saitual leh Singat khua a Tungdimpa
Nampuan kikhatlou in na tuam chiat mawk
4. A paneu a toh nampuan kibang lou
A neulai lawmnu a toh kibang lou
A tenna a mun a mual kidangt a
A pau a ham a tuam man hi lel a
Jammang in Muan Hangzou in pau tuamtuam a hih ding lunggulh a chihleh a masapen kha kilawmlou deuh ding chi in, huai ding in tunin hiai kon gelh suk thuap nawnta ve. Verse teng 10 syllable ahi a, kin-le-buang a bawl ahihman in duhthusam lou le a om mai ding.
A chorus kha a masa in ka gelh sek a, a sak chianga sak masak ngeingei ding chihna le hituanlou ahi. A chang bang tamsim ahih lele a chang tawp teng a chorus sak ding chihna le hituanlou, mun khenkhat a chorus saklouh lel ding di.
4.11.2013
- Jammang Guite, Son Khuptong and Lalboi Samte like this.
No comments:
Post a Comment