Dec 5, 2013

HUN KIDANG

By Ginpu Guite on Tuesday, October 22, 2013 at 6:29pm
Tuni a ka gelh, LA A SUAK THEI DIAM AH..Internet era la deuh ding na saknop ua leh ZOLMA chiang a sak dia a kaih na na ki bawl mai ding uh ahi di CHU. A vual teng syllable 9 vek a kibawl ahi a, a kaih bawldan lemlou khong a om diam ah. A kaih khong na na bawl zenzen u leh a gelh/phuak kha PHUALVA chih ding ahi. Na na bawl kei ua le chu a thu ki khek lai kha ding ahi VE :D TUAH KHAKKHAK KI GELHSUK MAI AHIHNA AH KI ENTHAK LEH HELNOP AHIAM KHEK UTNA BANG OMTHEI CHIH THU AH.


HUN KIDANG
-Phualva

Simlei vangkhua khat bang in kizom
Muhlouh omlou, mithip, lungsim hip,
Thilthak za in tam, sesum ngaih na
Tuailai momnoute lailung amta
Hun kidang, simlei piandangta e

1.Lia leh tang vang mubang kingaite
Heina khatlou mual zatam’ hal zong
Melmuh, muhlouh vanlai ah kizom
Gal pan tongdam kisang, houlung kum
Hun kidang, simlei piandangta e

2.Tuailai momnou, nupi papite
Computer mai, mobile khuttawi in
Omchim om manlou, lai sim manlou
Zalkhun dai dam, buh-al khuang nawn lou
Hun kidang, simlei piandangta e

3.Facebook, Twitter, Orkut khong zang in
Lawmvual, akhang a ham ki khawl khawm
Houlung kum, kina kibal beilou
Huihsia, thuthang in kawlmong deng suak
Hun kidang, simlei piandangta e

4.Khangsawn hun leh nite  tuang tun chiang
Koilam nawt in a hong kidang diam
Hunlui lam ah sulkik a hei diam
Chi in tang in lailung na gel ing
Hun kidang, simlei piandangta e

22.10.2013
Comment
Posted by at
Labels: ,

No comments:

Post a Comment

Subscribe to: Post Comments (Atom)