Vang Kingaite

A phuak : V. Siampu

Simlei na khaan sialbang lian hi.
Simlei na khaan libang ching hi.
Zolei vontawi zatam mauna
Na khaan neunou gawm in.

A sunga laizom vang kingaite
Gahliang ding simlei aw phal ken aw!
Zumlou lumsuang mang in hal zong,
Na hal ke’n! Laizomte sisan
Ling bang dou ken!

Ni aw, kha aw, Zolei taan in,
Sih-al leh solnou aw taan in.
Simlei zata’n palnang lou aw,
Sian aw, hong hallou aw!

A sunga laizom vang kingaite,
Gahliang ding Sian in phallou aw!
Laizom itnou vang n’ong ngaihleh,
Tua zaila sunchin na awi-awi in!