Manipur leh a polam kawmtuah bus a khualzin tampite thil tuah leng hi ding in ka gingta a, Lamka apan Dimapur tan Blue Hill bus a ka tuan thu kon thai zek ding. 1999 December in Guwahati pan Lamka ka zin uhi. Kuanlam bus a pailou ka hihman un i gen dah ding. Lamka ah gaalpi na veng nailou in nitak teng in thau ging-ging kiza hi. Amuna omte kingeinaseh mahle uh mithak in bel thaugin i zak mawk chiang in nuam kisalou sim hi. I hong taam zek chiang in ki ngeinaseh dan khat zaw hong om sam.
Kiklam in Nagaland a tawn ut chi in Lamka apan Dimapur tan Blue Hills bus ticket ka la uhi. Eigam a buste zingthou baih ahi ding ua, phalbi zing nawngpi (vai pathian thohma) Tedim Road a aki patna uh delh ngai hi. A hun a kipan kei mahleh ki paikhe baih thou hi. Tuibuang a dak sawm tan tham ding chih lam himhim ngaihtuah lou in bus hong kipat chiang in Lamka nuse takpi ding chi in lung bang hong leng dek thei sam hi. Tuibuang ah bus kise taktak ahi, abawl kineih uh ahia chih lah ki theilou. A bawl khit uh ngak in ki oma, kiknawn a inn a ann va nek di lah hilou deuh.. Atawp a dak sawm bang a hong hih chiang in hon paipih khong uhi. Imphal tun chiang in sun hita a, Blue Hills station ah ann neman lou deuh ding in hon khawlpih uhi. Sekmai a nek ding a hisak uhi. Sekmai tun chiang in lah annnek hun kikhel zel, talpak hotel ah ann ki mu zoulou zel hi. Naupang toh bang toh ann neding chia table a tu zeizai khin napi Driver leh motor saite a ding kia om a chih chiang un, “ahi maw” chih lel in om hi. Gaalpi ven siangma a a kuamah ki theichianglou ki muangmoh sim chiat khat aki hi diam, passengerte a kihou khuk omlou in talpak gam ahihziak a meikhup mai aki hi zaw diam a phun apau omlou in dawr neuchik khat-le-nih a biscuit leh muh theihtheih nek a tui dawn mai ngaita hi.
Sekmai a pan painawn in zingkal a motor siapen lah Nagaland lamtou khong ah hoih peetmah leh hat peetmah hileh kilawm zel. Mao ah khollou in ki paisuak a, passenger (Lamka a kipan ngen) a pau a phun omlou in ki tuang dimdiam vanglak hi. Talpak gam hi chi a a pau-aphun omlou khat aki hi diam ah! Nagaland Gate a Police check Post ah ki khawl zek hi.Kei bel bus pawlam ah ka pawtkhe pah a. Pai sawm nawn pah geet uh hiven, kuamah a phun a pau om ngeilou di bang, kipat mai ngai hi a thei ka hihman in motorpute kiang ah na passengerte uh na bawldan uh diklou hi. Zingkal apan tutan a ann nelou, hiai ah singpi beek dawn ngai hi, na khawl ding uh ahi ka chita hi. Ka lawinu leng kidek zou nawnlou hi ding hiven Nagamese in hong haang zakta hi. Nagaland Policete khong amuh leh khamuang kisa ahi di chu! Ahihhang in a vanpuak khong uh kitheihsiamna khat nei uh ahi diam, Policete toh amau ki neelzaw mawk ahih man un bangmah phattuamna om vak lou a bang. Hotel chihdan khat om hiven, passenger dangte samkhia in aktui pumhuan, sang khong ne in singpi ka hon dawnta uhi. Adan hong om deuhta chih ding hin teh.
Huchi in k'ong pai nawn ua, Kohima peelta chih ding in motor pen mumallou dan hileh kilawm hon bang sak geet uhi. Jaanggam a lampi hoihna hinapi hong awl tai mahmah geet hi. Atawp in Dimapur nitak dak 7 in ki tungzou hi. Lamka leh Dimapur kikal sau mahmah hi, huai ni zet in tuh!
A idea bel Lamka mite zinga pan nitak dawng ann ngawl a paisak ding chih hi ding in ka um hi. Huaiban ah Dimapur apan bus dang man dingte'n a laplouh ding uh; Dimapur a singtangmi nitak annek kikhel hun a tun ding (an zuak hotelte na kikhak or ann na bei khin ding) chih khong hilai ding in zeldim theih hi.
Lungkimlou lua ka hihman in bus tuannate Blue Hill Travels kichi uh ahih chiang chi in, Guwahati a Blue Hill Travel HO attention leh minsiatna ding uh chi in passengerte a ngeingaihlou dan uh uh saupi a gelh in Chandmari a Assam Tribune office kong a a mail box uah ka va khia hi. Bangchi a diam ah hong kisuahlou lai zomah!
phualz
Kiklam in Nagaland a tawn ut chi in Lamka apan Dimapur tan Blue Hills bus ticket ka la uhi. Eigam a buste zingthou baih ahi ding ua, phalbi zing nawngpi (vai pathian thohma) Tedim Road a aki patna uh delh ngai hi. A hun a kipan kei mahleh ki paikhe baih thou hi. Tuibuang a dak sawm tan tham ding chih lam himhim ngaihtuah lou in bus hong kipat chiang in Lamka nuse takpi ding chi in lung bang hong leng dek thei sam hi. Tuibuang ah bus kise taktak ahi, abawl kineih uh ahia chih lah ki theilou. A bawl khit uh ngak in ki oma, kiknawn a inn a ann va nek di lah hilou deuh.. Atawp a dak sawm bang a hong hih chiang in hon paipih khong uhi. Imphal tun chiang in sun hita a, Blue Hills station ah ann neman lou deuh ding in hon khawlpih uhi. Sekmai a nek ding a hisak uhi. Sekmai tun chiang in lah annnek hun kikhel zel, talpak hotel ah ann ki mu zoulou zel hi. Naupang toh bang toh ann neding chia table a tu zeizai khin napi Driver leh motor saite a ding kia om a chih chiang un, “ahi maw” chih lel in om hi. Gaalpi ven siangma a a kuamah ki theichianglou ki muangmoh sim chiat khat aki hi diam, passengerte a kihou khuk omlou in talpak gam ahihziak a meikhup mai aki hi zaw diam a phun apau omlou in dawr neuchik khat-le-nih a biscuit leh muh theihtheih nek a tui dawn mai ngaita hi.
Sekmai a pan painawn in zingkal a motor siapen lah Nagaland lamtou khong ah hoih peetmah leh hat peetmah hileh kilawm zel. Mao ah khollou in ki paisuak a, passenger (Lamka a kipan ngen) a pau a phun omlou in ki tuang dimdiam vanglak hi. Talpak gam hi chi a a pau-aphun omlou khat aki hi diam ah! Nagaland Gate a Police check Post ah ki khawl zek hi.Kei bel bus pawlam ah ka pawtkhe pah a. Pai sawm nawn pah geet uh hiven, kuamah a phun a pau om ngeilou di bang, kipat mai ngai hi a thei ka hihman in motorpute kiang ah na passengerte uh na bawldan uh diklou hi. Zingkal apan tutan a ann nelou, hiai ah singpi beek dawn ngai hi, na khawl ding uh ahi ka chita hi. Ka lawinu leng kidek zou nawnlou hi ding hiven Nagamese in hong haang zakta hi. Nagaland Policete khong amuh leh khamuang kisa ahi di chu! Ahihhang in a vanpuak khong uh kitheihsiamna khat nei uh ahi diam, Policete toh amau ki neelzaw mawk ahih man un bangmah phattuamna om vak lou a bang. Hotel chihdan khat om hiven, passenger dangte samkhia in aktui pumhuan, sang khong ne in singpi ka hon dawnta uhi. Adan hong om deuhta chih ding hin teh.
Huchi in k'ong pai nawn ua, Kohima peelta chih ding in motor pen mumallou dan hileh kilawm hon bang sak geet uhi. Jaanggam a lampi hoihna hinapi hong awl tai mahmah geet hi. Atawp in Dimapur nitak dak 7 in ki tungzou hi. Lamka leh Dimapur kikal sau mahmah hi, huai ni zet in tuh!
A idea bel Lamka mite zinga pan nitak dawng ann ngawl a paisak ding chih hi ding in ka um hi. Huaiban ah Dimapur apan bus dang man dingte'n a laplouh ding uh; Dimapur a singtangmi nitak annek kikhel hun a tun ding (an zuak hotelte na kikhak or ann na bei khin ding) chih khong hilai ding in zeldim theih hi.
Lungkimlou lua ka hihman in bus tuannate Blue Hill Travels kichi uh ahih chiang chi in, Guwahati a Blue Hill Travel HO attention leh minsiatna ding uh chi in passengerte a ngeingaihlou dan uh uh saupi a gelh in Chandmari a Assam Tribune office kong a a mail box uah ka va khia hi. Bangchi a diam ah hong kisuahlou lai zomah!
phualz
No comments:
Post a Comment