Khopi sung a cheta i hihman in pocketmaar experience nei tampi ki om kha ding hi. Kei experience khat ka hon gelh dia, midang in le hon gelh beh zel le uchin hoih in teh!
January 2000 vel a Guwahati a thil tung hiven. Lamka a om ka U Lal (cousin) in Chennai paina ding train ticket la ding in hon vaikhak ka laksak hi. Guwahati a hong tun in a sum hon pia hi. Rs2000/- hiam ahi a, ka sakhau a kuah in office ka kai hi. Office ah huai ni in Advance khat, Rs5500/- ka la a, ka U Lalte nitak dak giat khong a paikhe ding ahi ua, zing a lah deihbang a ki houlim man lou ka hih man un inn tun baih ka ut hi. Office apan ka tup sang in ka paikhe thei hak zawa, ka scooter lah zuakkhin, a thak lei nailou ka hihman City Bus a ki hen a ngai hi. Office apan ka pawt kuan in City Bus tuang ding a ki hih chiangin chi in puannak sakhau a sum ka kuahte lakhia in khekol kawng sunglam a sakhau sung ah ka guang a, office kong ah City Bus ka na ngakta hi. Office tawp hun, peak hour hilai ahihman bus dim thei mahmah phitphet hi.
Sum koihna lah muanhuai thou, inn tung baih ut ka hihman in bus hong khawl masapen kongkhak ah ka ki luaita hi. Stop khat ka pai nung un bus sunglam hong awng heuhau mu ka ka hihman in ka kiluaina apan a sunglam a luttou in ka dingta hi. Huchia ka din nung minute khat ding khong in ka dinna kimvel ah mi hong tam mahmah in ki neh peetmah in ka kineh uhi. Pocketmaar omsek ahi chih lungsim in haihlou hial ahih man, ka sum kuahna bang ka mai zihzeh a, sum bel omlai mah ngal chi in lung muang tak in ka tuang tou zel hi. Ka kumna ding bus stand a kumkhia ka khekol sakhau (a panglam a pen) ka sawk leh a kawng sakhau a sum leh ka underpant ka khoihkha thei mawk hi!
Bang chidan ahia chia ka et leh! Khekol a malam kawng a folding om, loose sim hiven, huai lak ah a phei zawng in na ki at vang zetzat maimah hi. Festival Advance ka lak Rs5500/- honna lak sak ua, zing a ka U Lal in Rs2000/ hon piakpen kia ana om a, bus sung a ka khut a ka khoih chi’a ka khoih khak zel, omlai chia a ka ngaihmuan mahmah pen huai ana khoihkha sek dan ka na hi zen houh hi. Pocketmaar ki tuakkha a na hi maimah! Nidanga lawmte Customs a sem Kolkatta a training a pai lai ua, Kolkata City bus sunga a khekol uh na atvang sak ua, a sum uh laksak uh agen lai ua, “ khekol ki atvang sak, theihlouh om ngal ding amaw” ka na chih sek pen hi thei mah hi chih ka theikheta hi.
Festival Advance kha sawm a dit ding a ka lak ahihman in a sum pen theih ngeilouhte’n zang mahle uh ginom tak a kha teng a Rs550/- piak gige hong ngaita hi. Ei sang a ki phamoh zaw hi un teh chih mai ngai hi. Khekol pen menderste kiang a pia in hon mend sak mahle uh, a ki aatna ma om ahih man in a ten nuam nawnlou hi. Khekol khat toh Rs5500/- City Bus khatvei tuan man a seng ka suak a, kiman zaw sak in om khol het kei hi. Office a i gen leh pawlte’n huchi om nak a, huai ziak a sum kuah chiang a autorickshaw khong la mai ka hi a chi uhi.
January 2000 vel a Guwahati a thil tung hiven. Lamka a om ka U Lal (cousin) in Chennai paina ding train ticket la ding in hon vaikhak ka laksak hi. Guwahati a hong tun in a sum hon pia hi. Rs2000/- hiam ahi a, ka sakhau a kuah in office ka kai hi. Office ah huai ni in Advance khat, Rs5500/- ka la a, ka U Lalte nitak dak giat khong a paikhe ding ahi ua, zing a lah deihbang a ki houlim man lou ka hih man un inn tun baih ka ut hi. Office apan ka tup sang in ka paikhe thei hak zawa, ka scooter lah zuakkhin, a thak lei nailou ka hihman City Bus a ki hen a ngai hi. Office apan ka pawt kuan in City Bus tuang ding a ki hih chiangin chi in puannak sakhau a sum ka kuahte lakhia in khekol kawng sunglam a sakhau sung ah ka guang a, office kong ah City Bus ka na ngakta hi. Office tawp hun, peak hour hilai ahihman bus dim thei mahmah phitphet hi.
Sum koihna lah muanhuai thou, inn tung baih ut ka hihman in bus hong khawl masapen kongkhak ah ka ki luaita hi. Stop khat ka pai nung un bus sunglam hong awng heuhau mu ka ka hihman in ka kiluaina apan a sunglam a luttou in ka dingta hi. Huchia ka din nung minute khat ding khong in ka dinna kimvel ah mi hong tam mahmah in ki neh peetmah in ka kineh uhi. Pocketmaar omsek ahi chih lungsim in haihlou hial ahih man, ka sum kuahna bang ka mai zihzeh a, sum bel omlai mah ngal chi in lung muang tak in ka tuang tou zel hi. Ka kumna ding bus stand a kumkhia ka khekol sakhau (a panglam a pen) ka sawk leh a kawng sakhau a sum leh ka underpant ka khoihkha thei mawk hi!
Bang chidan ahia chia ka et leh! Khekol a malam kawng a folding om, loose sim hiven, huai lak ah a phei zawng in na ki at vang zetzat maimah hi. Festival Advance ka lak Rs5500/- honna lak sak ua, zing a ka U Lal in Rs2000/ hon piakpen kia ana om a, bus sung a ka khut a ka khoih chi’a ka khoih khak zel, omlai chia a ka ngaihmuan mahmah pen huai ana khoihkha sek dan ka na hi zen houh hi. Pocketmaar ki tuakkha a na hi maimah! Nidanga lawmte Customs a sem Kolkatta a training a pai lai ua, Kolkata City bus sunga a khekol uh na atvang sak ua, a sum uh laksak uh agen lai ua, “ khekol ki atvang sak, theihlouh om ngal ding amaw” ka na chih sek pen hi thei mah hi chih ka theikheta hi.
Festival Advance kha sawm a dit ding a ka lak ahihman in a sum pen theih ngeilouhte’n zang mahle uh ginom tak a kha teng a Rs550/- piak gige hong ngaita hi. Ei sang a ki phamoh zaw hi un teh chih mai ngai hi. Khekol pen menderste kiang a pia in hon mend sak mahle uh, a ki aatna ma om ahih man in a ten nuam nawnlou hi. Khekol khat toh Rs5500/- City Bus khatvei tuan man a seng ka suak a, kiman zaw sak in om khol het kei hi. Office a i gen leh pawlte’n huchi om nak a, huai ziak a sum kuah chiang a autorickshaw khong la mai ka hi a chi uhi.
No comments:
Post a Comment