Kichei-kithopna a i zat puante namdang-kawl, vai, sapte etc in a neihlouh, zatlouh, tuamna nei mawng mawng ahi i chi ding. Numeite kicheina gen i hi deuh. Namkhat hihna nei i hih man a kicheidan tuam khat anei i hi chihna hisak le. Houlim na ah... huaile, huaile eipuan ahi, huaiten hon zatsakuh, hon sut uh ahi .. chih khong i za sek. Hiai adik leh diklouh thu gen zaw lou in, kicheina puan kikopthei hiam kituhthei te khat ahih uh provetu hi zaw lou a diam chi nuam i hi zaw. Khat hi zen, ki hui tuam sawm hang a lah hithei tuanlou hi zaw kha ding hi. I puante khat i hihna hon namkip saktu a pansak a, pom a, a zatna tuam chiat neihsak a akuapeuh in zat vek dan kizil zaw le. I neihsa puante a tamlua ahikei a, muntuam, hun tuam tuam a zat ding a bukim a kidaih hi nai lou hi. A omsate kituh sang in a kimnailoute zonkhiak, bawlkhiak i nasep ding hi zaw ding hi.
Huai ding in organisation khat hiam (akul leh phutkhiak thak ding) in pan la in mohpuakna nei hen la; a kum teng in puangat, puanzem, puanthak desining kidemna bawl gige leh lampi khat ahi ding. Lungsim zatsiam leh puangat siamte talent a tamthei lam i phattuam pihna ding in prize bang a etlah huai tham hih zou lai leng puan thak hoih tak tak i hau ding. I utleh akhente nampuan thak Zomi teng tuam zou a zat theih pawl bang a hong om ding. A rong gawm, a zem, a design eilak a mi mah (chihphet hilou in a siampen te) in a bawlkhiak hiding a hihman in nam puan ding, ahihkei leh bangpeuh puan ding in pomtheihlouhna di omlou hi. I neihsa nampuan i chihte le eilak a mi mah in a muhkhiak apatkhiak lah ahi ngal a.
Huchi in hih le...puanthakte tuh khuak hoih leh talent neite mah in deihtawk a a beih nung ua hong piang hi ding ahihman, nalthei peetmah ding chi in deihthu saam ni. A nalhluat man in kuamah a silh nuamlou omlou ding hi. Puanthak muhkhiak, zonkhiak nalh petmah i zat hun chiang in Chhinlung, Sinlung, Khul, Thimzing, Chimnuai, Shan, Seipui, Lailun etc. ging souh souh te dai deuh in Zotui bang luangkhawm thei ding hi. A nei tuam a om tuam kei dia, akuapeuh a ahi vek ding. Tu a zaw nampuan mah mah le haulua hang a; kituh di toh kituhlouh di toh... Hauzaw seem laile buaina veng lehlam ding hi......
http://geocities.com/phualz/
No comments:
Post a Comment