ZOLAWKTA APAN ka lei ZOULUS Journal, December 2007 in Nagaland a ka zinna ah ka sim a, thankik tanchin ka simkha hi. Thankik toh kisai Zomite’ ngaihdan leh kei mahmahin neulai a kana ngaihdan leh ka hih khak khenkhat – gamlaka i pai chianga a aneupen ki nunung sak leh thankik in na chilphih ding a khangtheilou ding chia a nununga ki paisaklou chih khong leh lamha a kiak chianga thankik ha hoih toh kikhek theih chi a, ha tunglam ahihleh intung saklampanga a (i ha kia pen meihol toh patzam a tuna) ki lawntou chih khong leh thankik puanpi gan etc telkha ahihmanin ka thankik tanchin sim simnuam kasa mahmah in ka tui ten hi. Agelhtu bang siam kasa in a laigelh original kasa mahmah a, skul subject khonga tawi dingin le hoih phial dingin ka gingta a, hiai mipa kua a mawngmawng de aw ka chichi hial hi.
January 2008 in Nagaland apan Lamka ah ka pai ua, Lamka ah Paite MIL laibu ka muh theihtheih ka lei hi. Aizawl ka tunkik chiangin Paite MIL ka leite ka vel a, mun khenkhat ka sim thuakthuak hi. Huai laubute laka Dr. H.Kamkhenthang gelh Siamsil Tongsan kon vel chiangin Thankik tungtang ana om a, ka sim thuak leh ZOLUS Journal a ka sim toh aki nai simin ka thei hi. A niha enkak ding chia Lamka apan ka puak laibu lom lak ka et chiangin ZOLUS Journal ka muzou kei mawk hi. Laibu dang khenkhat toh Lamka a nusekha ka hihlam a khonungin ka phawka, Zolawkta kianga ZOLUS Journal 2007 a copy a neilai hiam chia ka kan leh neilai a chihmanin khat ka lakik hi.
Himahleh laibu tegel ka enkak man keia, hun a hong paipai leh a kum bang akivei man hial hi. Ka phawkkhiak changin ka laibute a niha omkhawm lou ahihmanin zon a ngaiseka, zong peihlou deuh ka hi diam ka zongmu kei sek hi. Tuni in Paite MIL bu ka neihte vel ding ka chihleh thankik ka mukha nawna ZOLUS Journal pen ka zongkhe khong hi. A niha hoihtaka sim tuaktuak a hon gelh ding ka chih himahleh hun kidaihlouh ziakin hoihtaka sim lou a gelh zawk mai ka utzaw hi. Aziak tuh tuni’n gelh kei zel leng, tua le hiai ka gelhsawm sunga kumkhat val Tuivai lui a tui ana luangmanta ahihmanin “talpak hajeng” a hong batkhak ding ka lauh man ahi. Saturday inn a om a hiai gelh chihdan ahih chu. A quality lam sanga le a gelh om himhim phot leh chih deihna in hon zou zawta le a chih theih bok ding. Khaile!
Thankik Kisuahna Laibute: Thankik tungtang i houlimna kisuahna laibute: ZOLUS Journal No.11, 2007, Zangkong [kawlgam lamte ZOLUS pen Zomi Literature Uplift Society chihna ahi a, eilam a i PLS u toh a teh theih ding in ka gingta] leh Siamsil Tongsan By Dr. H.Kamkhenthang, [Published by chihdi ahih mel] Paite Literature Society, Lamka, Manipur, India ahi. Siamsin Tongsan pen first edition 2000 hileh kilawmin a langa, ZOLUS Journal pen 2007 a kibawl ahih mel. Huchi ahihleh ngaihdan khat omthei a omdek pah a, hilele huai va chihtheihpah ding a diam ka thei kei.
Thankik Gelhtu Leh Thulu. ZOLUS Journal pek 144 na, article a atawpna chih ding himai pen, a thulu THANKIK LEH ZOMITE’ TANGTHU chih ahi a, a gelhtu bel Kennedy Tawngpie Valte ahi. Nagaland a ka simkhak lai in Kawlgam lamte le Valte beh omthou ahi ding maw… ka chi lungsim hi. A kampau zat khenkhat khong etin India leh Kawlgam kawmtuah thei mihing khat bel hipeuhmah in teh ka chihbeh hi. Paite MIL bu Siamsil Tongsan a bung masapen, pek khatna a om Dr. H.Kamkhenthang gelh pen a thulu ahihleh ZOUMITE HINKHUA AH THANKIK chih ahi.
Para Khatna leh Nihna. ZOLUS Journal a thankik tungtang paragraph nihna (a masa in) leh Siamsil Tongsan a paragraph khatna leh nihna i reproduce sin ding:
ZOLUS JOURNAL: “Thankik” kici ganhing thupi lo khat Zomite’ nuntakna-ah ganhing minthang leh minlawh mun mahmah khat na hi laizang hi. Thankik pen a tamzaw-in mungei dingin kong lamen hi. A bokvak ganhing nam hi-in khe li nei a, lip a tungah dim hi. A annek pen khauzak (insects) ganhingte ne-in nungta hi. A taw ah a mei bul golin a dawn lam zum ceuhcauh a, a mei bul golna leh a mei dawn kikhaih luatna hangin Zomite’n paunak bang neih lawh zawzen hi hang. Thankik pen a huk hun ciangin mel tuamtuam- a san, a dum cih danin a mel kikhel kawikawi hi. Thankik a thangpaih ciangin a gawl san sakin dumsak thei zel hi. Phalbi ciang gawl dawn khawngah nilum awi-in kimu thei zel hi.
SIAMSIL TONGSAN: Thankik kici ganhing thulimlou khah himahleh Zomite hinkhua ah ganhing minthang leh minloh mun mahmah khat ahi mawk hi. Thankik kici kheli-nei, phulip nei, bokvak a pai ganhing neu khat ahi. A annek ding in thankik in khauzat ganhingte (insects) ne hi. A taw ah mei sau, kikimthuallou hial khat a nei hi. A mei leklam zum tentun in a gil phung lam toh kikhai mahmah hi. A meilek toh teh in a meiphung lam a gol benbon hi. A deklam leh a zungzang tawntung in phulip neu a ding seuhsouh hi.
Mel-et in humsuang nei a bangsak hi. Thankik a huk hun lai in a gawl ah zia tuamtuam- asan leh a dum in kikhengsak thei hi. Mi khenkhat updan in thankik a thangpaih ciang in a gawl a sansak in a dumsak thei ahi ci uh hi. Phalbi lai in gawl dawn a thankik nisalum awilai muh theih hi sek hi.
Mundang ah. Mundang ah leng a gelhte uh a kibang a tam mahmah. Huaite a vek in lah genseng kei ni in.. bang loh ding a daw aw. Laigelh a sauluat chiang in le a simte a dia ninhuai suak thei ahi bok a. Imm.. neukha gelh beh lai ni. Paragraph 4na tuak i lasawn nawn dia, huai para khitin laigelhtu tegel in thankik toh kisaia India gam a Santal namte (tribal) gindan - mihing a sih chianga a kha thankik suak a, damlou gim bang akha uh thankik dana a vak koikoi nalam a mi belsung peuha va lutkha a belsunga a sit khum khak chiang ua damlou pen gim mahmah ahihdan gen tuaktuak uhi.
Para 4 na le! Kennedy a: Mite ngaihsutna leh upna-ah ganhingte in kha nei-in pawlkhatte’ kha lauhuai a, pawlkhatte kha lauhuai loin mihing adingin zong phattuamna tun’ thei dingin ngaihsun uh hi. Khanglui mite’ upna-ah i phattuamna leh haksatna hong tun’ thei hi, cih upna nei uh hi.
Kamkhenthang a: Mite upna ah ganhingte in khaa nei uh hi. Ganhing khenkhatte kha lauhuai lou in mihing a ding in zong phattuamna tunthei ding a ngaihsun pawl om hi. Khanglui mite in sihnung ciang in misikhua a paitheihna ding in samat-galmatte kha in nakpitak a phattuamna tun thei hi cih upna nei uh hi.
Kibatlouhna neukha. Hiai khitin Zomite ngaihdana gamlak paina a naupang a nunung a pansaklouh tungtang, theipi kung khonga thankik chilphuan sukkhak louh ding, sukha le ta neitheilou ding chih khong a gelh tuak uhi. Thankik ha hoih toh ei lamha hoihlou khek theih dia i gintakdan, neizou khollou a khodam thuak-hak i sak banga thankik inle phalbi zan chianga votsa a puanpi gat ding a gelin suna ni a lum chianga nilum awiden a ganlou zel a nitum gige ahihdan dan khong leh thankik leh uphok kitaitehna khong a gelh tuak uhi. Ha hoih khekna ding a German a minam khenkhat in thankik tanga zusa (sansim) zang ahihdan u leh Mizoram a Mara te in le naupang ha hoihlou toh thankik ha khek theih ding a gintak uh H.Kamkhenthang in a gelh Kennedy Tawngpie Valte in a gelh kha kei chihlouh a thil gelh uh kibang tangpi sim vek in unau, pa khat suan mah bangin kisun uhi.
References. Laigelhtu tegel in mi gelhsa khong pawng copy mai hilou a gelh taktak uh, huai a gelhna ding ua le laibu tampi etton nei uh ahi chih taklatna in a thugelh tawpna tuak uah a laibu ette uh min a vual tuak uhi. Reference khong neia hoihtak a gelh ahih uleh a tha u leh a hun uh tampi seng tuak hi ding un a ginhuai hi. Ken tua hiai teng kon gelh lel sungin le hun tampi ka lutsak hi. Laigelhtu tegel gelh thankik tungtang ka deihbanga hoihtaka sim tuak bang hileng tuni in le kon gelh man kei phial diam ka chi. Bangteng hileh a reference gelhdan uh a nuai a bang hiven:
Kennedy Tawngpi Valte:
Ayyar, M.E., 1958, Outlines of Zoology, Madras; Viswanathan
Frazer, J.G., 1963, The Golden Bough, London: Macmillan & Co.
Sergreeve, B.F, 1973, Physiology for Everyone, (Translated from Russian by Oleg Meshkov), Moscow; Mir Publisher
Parry, N.E., 1976, The Lakhers, Calcutta; Firm Klm Private Ltd.
Tual Za Nang, V.Pu., (1928-2004); Private Gazette.
H.Kamkhenthang:
1.Frazer, J.C. 1963, The Golden Bough, London. Macmillan & Co.
2.Sergraeve, B.P., 1973, Physiology for Everyone (Translated from Russian by Oleg Meshkov) Moscow: Mir Publishers
3. Ayyar, ME.B.F. 1958. Outline of Zoology. Madras Viswanathan
4. Parry, N.E. 1976. The Lakhers, Calcutta; Firm Klm
5. Kamkhenthang, H 1972 Paite Paunak, Lamka: Convention Press
6. Kamkhenthang, H. 1982 Zougam Review, Vol III
Comment Neukha. Comment nei hetlou a maugel pausak lel ding ka chih ahi na a, deihbanga a thu uluk taka sim manlou ka hihmanin amau gel hoihtakin ka pausak theikei a, comment neukha kon nei zek mai ding. A reference zatte uh le a kinai mahmah a, Press lam fellouh ziak leh proof reading bawllouh ziak khong a diam ah laibu min leh thildangte gelhdan 100% a kibang kei deuh chih ahi lel. Reference gelhdan format bel akibang mahmah zel. Kennedy Tawngpie Valte pen Kawlgam a om dingin ngaihsunta le, hiai i laigelhtu muanhuai nihte khat Imphal khat Kawlgam a om a ngaihtuahna uh ana kibang mahmah hi dingin a gintak theih hi. A tunga neukha i taklatte bang na sim chiang un Laisiangthou version nih compare bangin nana kingai hial kha ding un ka ummoh sim mai hi. “Ke’n hiai ah hiaidanin kana gelh dia, nang huailam ah huaidanin ana gelhin” chia ki houna nei masa lou ding in tuh a ngaihtuahna paidan uh ana kibang mahmah kasa hi. Coincidence mah a diam ah.. Ke’n bel ka thei kei e.
Set as favorite
Bookmark
Email This
24 Comments
phualva
September 15, 2009
59.161.122.191
Votes: +0
phualva
September 15, 2009
59.161.122.191
Votes: +0
a original ah bang a chi diam ah, MIL a pen a chu chih bangin hong ki repeat omom ahihmanin phur taka sim suak zoulou sim le ka hi mai.na chihbanga pomdan khat neih masak a sim ding hi maithei eimah ve.
pu zokhual gen vaphual tungtang ah kamkhat..
phamsa s.t.hau go gelh ka simkha kei a. dr. kamkhenthang gelh ka sima, a thugelh sung ah singkhokai, tungkholet chihte khong gelh hon gensawn/quote ahihmanin in s.t.hau go a bang le ana la hileh hon genkhe thou leh kilawm sakna ngaihdan a om thei hi.
report abuse
vote down
vote up
keikahi
September 15, 2009
59.177.78.141
Votes: +0
keikahi
September 15, 2009
59.177.78.141
Votes: +0
Pu phualva in a gen sia Lang Do Khup laibu "MIL dia abawlpen uh pen ka sim leh kammal zat/pau zat lam genlouhin le idea/gensa ki repeat a tam lua abang kasa.."
ka muhdan hibang hi.
1. Laisiam ahikei, leh laisiam gelh hikei cih theile hang.
2. Sia Khup pen crusade, cialpi leh sermon genmi ahi. Cialpi bawl ten kibang tampi vei gengente ahi uh cih mangngilhloh a hoih kasa.
report abuse
vote down
vote up
rangkachak
September 14, 2009
86.137.188.165
Votes: +0
rangkachak
September 14, 2009
86.137.188.165
Votes: +0
ci thak2 le:
hiai a tung a puphualva' hon lui khiak laigelhte bangcu plagarism a hikei cihna ding a omkei him2!!!
software data kizatna mun/gam hileh detect khinzou dia.. a gelhtu in 'thuak lawh' mahmah ding ahi... mi' gelhsa copy pen2 in.
@scott gendan tak leh aban zaw gensau nawndah ning!!!!
report abuse
vote down
vote up
phualva
September 14, 2009
59.94.9.198
Votes: +0
phualva
September 14, 2009
59.94.9.198
Votes: +0
pu zokhual chihdan a le etthih ahi, huai le etdan chikhat ahi ka chihna ahi. pom leh pomlouh lam lutkha nailou
report abuse
vote down
vote up
rangkachak
September 14, 2009
86.137.188.165
Votes: +0
rangkachak
September 14, 2009
86.137.188.165
Votes: +0
@scott gen bang in leh amasa lam a comment a kigen bang in laigelh him2 ah tuh (abu zatte uh le kibang, etc) aki refer ding uh ahi.. reference kibawl a ki-acknowledge ding ahi.. mr/dr xyz in a gelhna laibu ah... pek huaizahna, etc cihte a om ding tuh ahi...
eipawl in research pian a thil sui/gelh ngeilou, napnul maimah hang a.. laibu ettak tak2 om ngeilou.. academic literature i neihlou uh hiai bangte ziak khanwg le hi'n teh... kichawimai tuah leh ki-kamkip/thuapkip omlou..
laibu gelhsate 'word of mouth' bulom tampite thesis leh dessertation ihon gelh dek tak2 cia zattak mahmahlou uh ahi... ahitak in, eipawl.
huaiziak in laibu leh gelhdan ah ethics omsa i theihsemsme uh kisam lua ahi hi...
report abuse
vote down
vote up
scott
September 14, 2009
61.4.249.205
Votes: +0
scott
September 14, 2009
61.4.249.205
Votes: +0
Chi lailai le....
Kenchu Pu Zokhual hon chih dana kapok dek chia le hi sathei mahmah mok.
Pauzat kibang thei, mikhat nam khat ihih na zar in, dik. Himahleh, a laibu zat te na ngawn uh hong ki bang tou sitset lai eih chia kha....
Huaiziaka, ganhing kibang khat suui tuak himahle uh, hichi hilhel a kituak sitset (ngaihdan zaw chi khang) paukam zat khom theih din ka koih thei kei ka chi???
Ana tuam gelh tuak mah uh ahih taktak lelah kei diklouh.
report abuse
vote down
vote up
phualva
September 14, 2009
59.94.12.110
Votes: +0
phualva
September 14, 2009
59.94.12.110
Votes: +0
pu zokhual gen bangin vaphual, thankik chihte khong tungtang zomite ngaihdan leh pomdan kibang leh a vasa/ganhing kibang ahihna ah a tanchin i gelh chiangin kibang sim mah ding hi chihdanin le ettheih mah in teh.
pu keikahi in sia lang do khuip leh pau za cin gelh achihte MIL a te mah gen a hi dingin ka gingta. lang do khup gelh a original ka simkha keia, MIL dia abawlpen uh pen ka sim leh kammal zat/pau zat lam genlouhin le idea/gensa ki repeat a tam lua abang kasa
report abuse
vote down
vote up
keikahi
September 14, 2009
59.177.78.212
Votes: +0
keikahi
September 14, 2009
59.177.78.212
Votes: +0
Thugelh toh kisa kilawmlah deuh kasak te ka hong gelh deh:
1. Thankik pen khauzat ganhingte (insect) a ne hi a cih,
2. A taw ah mei sau, kikimthuallou hial khat anei,
3. Ha ki botkhiate (milk teeth) pen ha pulh va cih,
4. Khaugui kawm ah awktangkha va cih,
#Sia Lang Do Khup leh Pau Za Cin gelhte a kammal zat/ pauzat va khen sak sese pen hoih kasa kei. Original simkha ka hihman in a khensak pen uh iva sim ciang in 'luak bang suak phial' veh aw !
report abuse
vote down
vote up
mm11000volts
September 13, 2009
59.178.199.118
Votes: +0
mm11000volts
September 13, 2009
59.178.199.118
Votes: +0
Kamkhenthang gelh Vaphual kichi ka sim kha ngei ngut a, Kamkhenthang in Haugo ate a reproduce om ngei in ka thei a, hilele huaite kha haugo mintoh leng gelh in ka thei. Plagriasim dan hi in bek ka thei kei. Theikhial ka hi mai diam ah..a laibu simna le a sawtsimta a....
report abuse
vote down
vote up
zokhual
September 13, 2009
59.99.48.216
Votes: +0
zokhual
September 13, 2009
59.99.48.216
Votes: +0
Huci dan gelh di cih in tuh - Sia Hau Go gelh(?) 'Vaphual' leh Dr H. Kamkhenthang gelh 'Vaphual' cih bang leng ki naih mahmah ei ve.
Aleh lamah, hici bang in genle hang - Tawngpi leh Kamkhenthang in Thankik mun tuam tuak a- Kawlgam leh India a a etciang ua, ganhing kibang ahih dungzui a, amuh uh kibang ahi, leng cihtheih leh kilom.
Huanah, "vaphual" cih Aticle/Essay bang leng vasa kibang ahih ciang a etna mun tuamtuam leh mi tuamtuam in a et ciang ua, a muhdan uh kibang a, a thugelh uh leng kibang ahi, acih theih diam? Sentence khenkhat ah Kamkhenthang tedim pau a siamlaw deuh cih thu hi ven!!!
report abuse
vote down
vote up
phualva
September 08, 2009
59.161.123.57
Votes: +0
phualva
September 08, 2009
59.161.123.57
Votes: +0
na hong kigen heh dek mawk abang a @scott
report abuse
vote down
vote up
scott
September 08, 2009
211.227.15.222
Votes: +0
scott
September 08, 2009
211.227.15.222
Votes: +0
@IloveGod
Huaiziakin, a gelh nunung in, a gelh masa pa, '......gen dan in' hiam ci le zaw....
Hiai ahi kagen, credit kipeleu kachih kha. Hiai chiang khonga ana simkha thei te chiang in zaw laigelh paizia i theihsa vek uh hidin kagingta. Huaiziakin, migensa or gelhsa i zat ut/nop leh quatation piaka huaipa/nu gen/gelh bangin.... Chia amau credit piak ngeingei ding. Huchi ahih kei leh hiai kha guktak na chikhat (plagiarism) ahih manin diklou pumlum ahi.
Huaiziaka, Seminary/University khong ah research/laigelh dan sinkha ten hiai toh kisai a poimohdan na thei mai ding uh.
Huaiziak mah hizel lou di hia maw, hiai khong ah le mi khat in ana gensa te hoih isak deuh/i saklouh deuh te khong uh quatation i pia ua, huai zoh chiah ei ngaihdan i gen zel uh.
Min copyright ngai a ngai poimoh, en chu mi sepgim na gah a force a suhsak sawm.
Ah! gen non dah phot di.
report abuse
vote down
vote up
phualva
September 08, 2009
59.94.10.212
Votes: +0
phualva
September 08, 2009
59.94.10.212
Votes: +0
a gelhtute'n bel a thei ding ua,
kan zek louhin e'n bel kua in gelh masa a kua in gelh nunung hi hiam chih theih chian hilou hi. laibu khat 2000 a kibawl khat 2007 a kibawl chihpen a final decision bawl top theih hilou maithei khong chi ni
report abuse
vote down
vote up
IloveGod
September 08, 2009
164.100.1.9
Votes: +0
IloveGod
September 08, 2009
164.100.1.9
Votes: +0
Ei pau a mikhat in a gelh, eipau mah a gelhsawn ahih lebel, akilamdang law thei kei ding. Huaiziakin, a gelh nunung in, a gelh masa pa, '......gen dan in' hiam ci le zaw, hoih din ka gingta.
report abuse
vote down
vote up
phualva
September 08, 2009
59.94.10.212
Votes: +0
phualva
September 08, 2009
59.94.10.212
Votes: +0
Ahimhim in nangle nana mukhe kha zenzen konsa..ha..ha....
hehehe. midang le a mukha zaw om law ding hiveh aw, kuaman a genkhe kholkei a ahi zaw ding.
report abuse
vote down
vote up
scott
September 08, 2009
211.227.15.222
Votes: +0
scott
September 08, 2009
211.227.15.222
Votes: +0
A sunga thu te tua ana sim manpan ihi.
A gelh tegel in hichi bang laigelh kituak tak ana gelh khiak theih ziak un thupi uh kasa a, ka kipahpih na thu ka note masa.
Ahimhim in nangle nana mukhe kha zenzen konsa..ha..ha....
Na chih bangin a laklak ah tamlou kibatlouhna om zek mahleh, ken chu hiai tegel bel mi khat apan ahi chihlouh theih hin ka thei kei ka chi? A Bibliography te na ngawn uh kibang, a tuam nazek, khat in Tual Za Nang a behlap, khat in Kamkhenthang a behlap chih man thu lel ahi.
Hithei leh zaw, ki huchihsak tel dah uhenla credit hoih takin kipe thei leu chihsak huai mahmah mai. Article khat gelh khiak ichih baihlam hetlou (kei na bat uleh) hia, a gelhgelh thei te bang chu ngaih thupi huai mahmah uh.
Huaiziakin hichi bang khong hih hetkei thei le ut huai mahmah maw.
report abuse
vote down
vote up
blisteringbarnacles
September 07, 2009
122.169.201.58
Votes: +0
blisteringbarnacles
September 07, 2009
122.169.201.58
Votes: +0
abang abang hitaleh, mipi theih dia non pholh khiak himhim a kipahhuai ei
adang le hon phoukhe zel ou
report abuse
vote down
vote up
whoami
September 07, 2009
164.100.41.34
Votes: +0
whoami
September 07, 2009
164.100.41.34
Votes: +0
ZOLUS JOURNAL: “Thankik” kici ganhing thupi lo khat Zomite’ nuntakna-ah ganhing minthang leh minlawh mun mahmah khat na hi laizang hi.
SIAMSIL TONGSAN: Thankik kici ganhing thulimlou khah himahleh Zomite hinkhua ah ganhing minthang leh minloh mun mahmah khat ahi mawk hi.
A thuluang(tawn) tanpha in a kibang tel ngei ngut a!
Dr.Kamkhenthang ZOLUS ten thulu gelh dia cial ua, Kennedy min toh gelh houh ahi thei mai kei maw, peuh ka kici maimai a,tuaci dingin phungmin peuh a tuampi hong hi zel ve'n.....
report abuse
vote down
vote up
pialnawng
September 06, 2009
64.255.180.86
Votes: +0
pialnawng
September 06, 2009
64.255.180.86
Votes: +0
Na chih ngut uhleh plagiarism zaw ka chi hial kei a hile kum 10 val paita in zoudawn zin na khat gelh in Tongluang ah kisuah hi. Kha tamlou nung a paidan leh gelhdan kibang chet khat hong kisuah hi. Ka lungsim in 'hichi bang a laigelh hong kipan thei omleh hoih e, laigelh mi kitawm lua hiven,' chi lampang in ka om daih hi.
report abuse
vote down
vote up
ppguite
September 06, 2009
122.162.247.134
Votes: +0
ppguite
September 06, 2009
122.162.247.134
Votes: +0
gintak sangin ei zomite lak khong ah le laibu/laigelh a tamlouh toh kihu in plagiarism i chihte tamvial leh kilawm sakna a om hi. khangthu bu khenkhat bang le ngaihdan/gindan ka neih ve pawl a om hi.
Off topic deuh mai thei ! Sorry.
Hemgen leng i pianma tham a pan thu-leh-la toh kisai i pu-i-pa apan eite hon mop uh kia eivoi tuni a i reproduce tengteng uh.. bang a thil thak khangthakten i luikhiak uh? Ei a i cih theih ding, ei tualsuak taktak tawm lua hiin. Huai mentality toh a khangkhia eite a ding a, plagiarism lou a hithei lou phial dan ahi. Hiai ahi i khanmoh bawk uh. Education in a ngim ding tuh mahni a kingaihtuaha, mahni tempaina, creativity etc develop di hileh kilawmtak, exam ciang a pass na ding a bye heartte gelh lel i hih cianga... I misiamte bang in leng mi concept leh ngaihdan hilehleng, original taka ei a dan a phoulak theihna di tan a pan na la kha lou uh hihtuak.
JF Laldailova in Shakespeare Hamlet Mizo pau a a lehkhiak English sang a hoihzaw cihte dan om thei leh duhthusaam ahi. Hiai hilou di hia Bible leh Labu toh kisai a mi tampi a phun a phunna ziak uh....
report abuse
vote down
vote up
phualva
September 06, 2009
59.161.126.4
Votes: +0
phualva
September 06, 2009
59.161.126.4
Votes: +0
hehe. hichi khonga non na tai ekek d mah uh ahi @scott.
gintak sangin ei zomite lak khong ah le laibu/laigelh a tamlouh toh kihu in plagiarism i chihte tamvial leh kilawm sakna a om hi. khangthu bu khenkhat bang le ngaihdan/gindan ka neih ve pawl a om hi.
report abuse
vote down
vote up
scott
September 06, 2009
211.227.15.222
Votes: +0
scott
September 06, 2009
211.227.15.222
Votes: +0
A thu hilou a a LIMLAK maw na pahtak/buaipih zok uh???
Kuate hiam LAIBU ente mah bang mai di? Laibu sunga om bang ahia chih theiloupi a, a cover a hoih leh hoih louh a judge sawm maimah.
Asung thu toh kisai awla hun neih zok chiah komen thak di.
report abuse
vote down
vote up
phualva
September 05, 2009
59.161.123.169
Votes: +0
phualva
September 05, 2009
59.161.123.169
Votes: +0
lem tak khong nou hih ding ei vele
report abuse
vote down
vote up
keuhthang
September 05, 2009
118.94.31.112
Votes: +0
keuhthang
September 05, 2009
118.94.31.112
Votes: +0
A thu chu gelh ngam in lem tak ngam lou chih dan deuh maw?
No comments:
Post a Comment