NASEPNA LAM ah 2001 kumin Guwahati apan Aizawl ah hon suan uhi. Aizawl a ka role ding Guwahati a ka nasep toh kibang hetlou chihphet louh kisai le kisai kha hetlou ahi hi. Huchi ahihna ah Guwahati a pan ka pai dek kuanin nidanga seppih ngei ka pute, experience ana neisa, khat le nih kianga va pai-in a advice uh ka va ngen hi. Khatpa kianga ka va gen chiangin hon advice ding theilou a diam om net-nut sim hi. A room ah ama rank kibatpih mah South India lamte khat na om hiven; huai in “Do what a normal person would do and do not do what a normal person would not do” hon chi gaih mawk hi.
Amah va dong le hilou ka hihna ah ka ngaihdan ahi vakkei sima, huai chu theihsa ahi vele ka chi lungsim hi. Himahleh bangmah ka gen tuan kei. Ahun lai-in hiaipa gen bangmah a ngai kholkei mah leng hun hong pai zel a, tununga ka ngaihtuah kik chiangin advice hoihpi khat hi in ka thei thak hi. Thil teng a “normal” tunglam, a thupi lua hiam, mi tuah toh kibanglou, eituah leh tuah dingte tuam leh haksa diak leh banghiam lua dinga i ngaihtuah chiangin “anxiety”, “worry”, “tension”, “stress” etc a chihte uh toh kizom nuam mahmah hi. Thil bangkim leh situation bangkim “normal” dan a koihdan siam a nasa taka ngaihtuah lawk le ngai khollou mah ahi hi. Future planning bawllouh ding chihna lam hilou in.
Banghiam thil a hong tun chianga huai dinmun a “normal” person in a hih dia kilawm hih a, a hihlouh dia kilawmloute hihlouh lel ding ahi ngut hi. Hileh damlouhna hiam accident hiam khong ziak ahihkei nak leh i khovel kha buai law lou leh zaangkhai takin a pai toutou lel mai ding hi. Dinmun hiam situation hiam khata hihdia kilawmte i va hihlouh khak chiangin buaina, haksatna, minsiatna chihte a om theia; hihlouh dia kilawmte i va hih teitei chiangin leng buaina, haksatna, zumna, daina chihte a tuah theih nawn hi.
Amaherawhchu, mihing i tuam dungzui, culture a tuam dungzui, mun a tuam dungzui in “normal” i chih kha a kibang khol kei thei chih thu ah..
No comments:
Post a Comment