VAITE' NEIHLOUH

VAITE NEIHLOUH i neih tampi om hi. Vaite kia hilou sapte khong leh khovel a nam tuamtuamin a neihlouh i neih tam mahmah ding hi. Huaite i gen seng zenzen kei dinga nek-le-tak lam toh kisai neukha chik i gen zual ding. Zing leh nitak a ann i nek chiangin vaite neihlouh leh neklouh a lim mahmah nek ding tampi nei i hihmanin, limsa lua gilmul kivang zenin  i ne thei hi. Pu Whoami bangin ei mehlim deuh a mehni khua a “Zomi hih nak nop khana tel ei” a chihni tam dingin ka gingta sim hi.

Gawkeu omkei mah leh sikkeu khonga mehtuimawl khong i hawp dupdup hiam, mehtui-al thak leh thuksim hiam, khasim hiam ahihkeileh satui hiam buh i bakkhita nou a i dawn suk miahmiah mai chiangin i kam sunga ante i gawlsung tawna i gilpi lama a luanlut pih ziahziah mai bang vaite’n a limdan leh a nopdan thei hetkei ve un chin chihsim in a om hi. Vaite bangin a masala e, abang e haukei mahleh mehpok, bai, anteh gimnam tuamtuam khong i huankhawm chianga a limdan (taste) hong piangkhete ei Zomi gawl (tastebud) toh kituak mahmah ahihmanin i nek chiangin a hunpheta tawp haksa sa i hih manin i sunglamin ana gimpih ton om ding hi. Om ding hi phetloua sungna nei khong i tam bang le huaiziak hikha ding. Ankuang apan ekbuk delhphei mai chih lam zaw out of context hiding ahihmanin gendah ni.

Tulai a Lamka lam suak mundanga omte gachim leh vaimimchim limdan theikha lou tampi a om mahleh America khonga Zomi tak leh CIAL taka nek a bawlnop chiang ua vaimimchim, gachim or buhmansih (of course with voksa) khong buatsaih a mikang gama a nek chianga kampha kisa mahmah Zomi zong tam veve ding hi.

Huchia mundang i gen vanglak ding leh muntuam gamtuam a omte bangin a gimnam leh taste tuam diakte – singthupi, khangkhuh, singzual, zawngtah, aigechil, ankhapi, sathu, bekanthu, ankamthu, sahou, ngahou, antehhou etc a nek khak chiangun vangpha leh tai kisa mahmah in “dam man om e” chidan ahi ua, huaite’n damman om asakna uh vaite’n thei zenzen loupi chihphetlouh neih le neilou pi uh. Nei le uh le a nekdan theilou, ne hile uh le a limdan theilou ding hilai zomah ahih manun Zomite vangphatna sawnsawn vaite neihlouh a neih uh himai hi. Rangkachak ngial bangin sapgam a saptheiteh hou a huanni banga internet tlangdung thawn zuazua zena kipaktaka tangkou mahleh Scotland gama mite’n ama kipah leh nopsak dan theihpih tuan zenzen lou ding uhi.

Um in a nungak laia sa-um a um  Munirka Airport geia a dawr uah a zuak sek uh achi ua, huai khong leh a ngathu zuakte khong uh mi’n va lei ua a bawl uh hiam, inlam apana hong tungthak om chianga (or khenkhat a dingin Pu Zokhual Delhi a zin chiangin)  gawtuaithu hiam bekanthu hiam khong a huanni khua un inneite’n (vai mawlte’n) namsia sa in delhkhiak mai sawm mah le uh Delhi a om Zomi khatin bel limsa lua, hawmthoh kisa in tawhum zen in ne thei ding hi. Khenkhatin North East mite a mehhuan uh namse theilua chia inluah dinga le deihlou zozen uh chih a om hia kha? Zomi hihna a nopna hizel aka hia.

Huchi zawngin chu vaite le bang ahi tuan ua eita. Pandit Ravi Shankar le a chi uh hilou maw. America a bypass surgery dia kuanin New York hiam a flat khat luah uh. Operation khit a hong damsim chianga a gong thak zaw hi sam ding. South India apan ngahou (huai a al a alte ahi kei dia hia..) a puak uh huan sawmta uh. A huanma ua mei a em masa sek uh hiven. Americate flat a mei chih zena a em u leh a intunglam a Fire Alarm System a vuah un a kang gim ana zak chianga kangmei om chia patau dak a ginsak vongvong mawk leh Meikang Phelhpawl leh Policete a kina-kina hong tungpah vitvit mah uh. Thil omdan hon theih chiang ua tuban a em nawnlouh ding uh chih condition toh invengte leh thuneitute’n ngaidam hamham uh a chih uh koi hiam ah ka simkha ngei tlat ka chi. Amau le South Indian hih chu nuam e.. a chisam di uam ah. A kizom diam ah talpakte khong toh ekbuk bang i kikop khak leh a ek gim uh tuamlua gimhuai diak, nuam mahmah lou ahi.

Khaih! Pialmang gawp dek le ka bang a. Item - khat mehpok, khat mehkan leh maltameh thak leh limdeuh mai khong kidik huphup zozen a zial suk ek mai chih khong ahihkeileh mehtuimawl, mehkan leh maltameh combination fuh deuh khong i nek chiangin ann chu a ki telh aka. Sa chih khong le ngailoupi. Tengkol meh ngial bang tuh anbel neu nuam mahmah ahi.

Zomi hih khong ana giautau sim bang omkha thei ahihna ah Zomi hih a nopdan, vaite (or namdangte) neihlouh nei i hihlam a shortcut a i gen zual ahi. Zomi hih nuam hi na maizen ee..