Va hetkha Sese

Hichi'n a chi uh a ka. Lawmte khat Shillong-a a laizil lai in piangthak hi. A pianthak khit chiang a zu bang ngawl in hoihtak a om sawm hih tuak hi. A inluahna gei a Mizoram tangval khat in luah tei ahi ding a. Huai in le lawmpa inveng ahih bok u toh, a zu dawn lai-a a omdan khong ana thei law sam ahi ding. Ahihkeileh ana iplah gu ten le ahi kha ding.

Amah piangthak kichi, hoihtak a Pathianmi tak a om a kichih chiang in a invengpa zukham in va chouchou hi ding hiven. Aman le ana iplah lua in “Ka pianthak ma hileh aw…… “ chi vangvang zozen in. Huai a chih in a genkhiak louh-a a invengpa hetkha sese ding chih deihna ahi a chih theih ding. Huai a chih chiang in a invengpa zukham in le thuakthei lou leh lemtang sa ahi ngei dinga, a kisual loh uh a chi uhi.

Ka pianthak ma hileh aw.. chih pen in a invengpa ava hetkhak sese na bel, a genkhiak louh gen a neih man hi mawk hi. Ka pianthak ma in zu ka dawn a, zu leng ka kham. Kuamah ka subuai kei. Kisual lam ah le kon lau hetkei. Kon ngam law mahmah hi. Hilele kei pen a piangthak ka hih mawk tak man in tuni in kon kisualpih thei kei hi. Ka pianthak ma a hong hichih hile chin zaw liakkha ngel ding hi ve teh. Ka pianthak ma hileh aw.. a chih vangvang pen in a genlouh hang in tua i gen teng khong genkha thei deuh a bang hi.

A genlouh hang a va hetkha sese. Huchih chiang a a invengpa kidek zoulou a akisualpih chiang a amah le pang a kisual hi thouthou uh. Hetkha sese kei leh kisualna omlou maithei hiven.