MUHDAN

Ka neulai in
Nungakte alian thei ua,
Tangvalte sang thei peuhmah;
Nupite hat thei ua,
Papite hangsan thei mahmah uhi.

Ka neulai in
Inkhum sang thei a,
Sutpi golthei peuhmah;
Inka sang thei a,
Khinpi sang mahmah hi.

Ka neulai in

Vok gol thei a,
Sialtal lian peuhmah hi;
Akpi hang thei a,
Bawngpi hang mahmah hi.

Ka neulai a ka muhdan,

Tuni a ka muhdan toh
Kibang kim nawnlou mawk!

Na khatpeuh

Mihingte’n
I etdan,
I muhdan,
Kibang kimlou;

Ei mahmah muhdan zong
A hun leh i khomuhna zui in
Kikhel khel thei
Ahihlam phawkin,
Theisiam ni.

07|12|2015