LUNGHIHMOH DING OMLOU

1.      Simlei lunta, phungchinna,
Hunte in bangtan daih ding
Chih kitheilou hi.
Suah leh sih ni khat chi a ngaihmuang
I nunnop laitak in vasa thangawk bang
Pekkhiat zohlouh awktheih hi.

2.    Na zi, na ta, nang mah zong,
Zingni thaini bang tuak ding
Chih kitheilou hi.
Mihing, i mailam ki theikhollou a
I nunnop laitak in natna, sihna bang
I tung vai hong hawm thei hi.

3.    Huihpi, gialpi,  zinlingte’n,
Bangchik hong nawk ding
Chih kitheilou hi.
Ngeina a nisuak tum ding sa a
I nunnop laitak, utlouhpen bang
Eima insung hong tung thei hi.

Tuabang ahihman, simlei thangvan
A thunei, bangkim bawlpa naih in;
Muang in, Amah ah kinga le hang,
Lunghihmoh ding omlou hial hi.

27/04/2015