Kum 1959 in Mualkui khua ah
Chinzakham leh Nemzahoih kal a gila gah goutan kua (9) laka a nga na ding in
piang hi. A neulai in Sugnu ah a paneu Khamzadalte kiang a om in lai vazil ,
huaikhit Kaihlam Jr. High School leh J.Model School, Lamka ah zil hi. Hiai hun
lai vel mah, 1975 lak in Alpha Bible College, Shillong ah Laisiangthou va zil a,
18.6.2015 in baptisman tang in khalam a suahthakna na ngah hi.
Vangsiathuaitak in ABC a a
omlai un misi khat om a, a hostel ua pan tuailai tamkuam si inn a va zanhakte a
omna ua thuneituten diksalou in zilzom thei nawnlou ding a thutanna a bawl chiang
un Laisiangthou zil zoutheilou suak hi. Secular siamsinna lam ah pawl sawm
(class X) a zoh khit lai simzom nawnlou
in contract khong leh septheih theih sem hi.
1983 kum in Nehru Marg Lamka a
om G. Kamkhawthawng’ tanu Niangzavung toh kiteng in pumkhat suak uhi. Pathian
in a kitenna uh vualzawl in anuai a kigelh gil a gah goutan 3 pia hi.
1. Thangbiakdik
h/o Chingngaihlian
2. Jamlunkim
3. Nianthianmuang
w/o Lianminthang Samte.
Hiai gil a gah goutante apan tu
2 (nih) Sonmuanding s/o Thangbiakdik leh Mangdongmung s/o of Niangthianmuang
mel leng muman hi.
Sepna lianpi hikei mahleh
September 2002 apan in deihsakna tang in TB natna hik zongkhetu (Lab
Technician) in Thanlon PHC nuai ah leitung a nutsiat ni dong sem hi. DTC,
Churachandpur (Lamka) ah leng bangtan hiam attached in na om hi.
Azi toh ginomna leh muanhuaina
lenkip in nuam leh haksa thuakkhawm in a tate uh enkol piching in sepna
nei/hihna di bang hikhin uh chihtheih ding hi. Azi, atate toh pangkhawm in Zion
Veng, New Lamka ah 2012 apan tuni a a tenna inn uh lam pan in June 2015 a luahtheih ding in tungding uhi.
Hun sawtsim apan in gilpi,
lungtang, sin leh mit hatlouhna nei in Lamka, Imphal, Guwahati, Delhi leh
Mumbai dong naih in damdawi a kienkol koikoi mahleh kietkolna lam haksatna
tuamtuam ziak in damsiang theilou hi.
Date 11.3.2018 Pathianni sun
hun apan in hong buai diak in nitak dak 6:30 vel in Lamka District Hospital a puaklut
in om a, Doctor leh nurse ten le a hinna manphatak humbit zoulou in 12.3.2018
zinglam dak 9:45 vel in leitung haksatna thuak nawnlou ding in honna paisanta
hi.
Amah mipolhnuam, mi khualsiam,
mi deihsak ahihman in a theite’n ngaina uhi. Midangte a dia hoih ahihnak leh
ama supna leng poisalou khop a mikiphal ahi hi. Sahkhomilua hikei mahleh thudik
leh thutang hi a atheih gum mi ahi a, Saptuamte le nawngkai sak ngeilou hi.
A unau (pasalte) lak ua Lamka
a ompen ahihna ah nutek, patek enkol pen leh inpi ngak a suahna om ahihman in i
ngeina leh dan lam khong a unau lak ua atheipen leh zatpen ahi gige hi.
No comments:
Post a Comment