Covid 19 a chih uh hipi len ziaka thilteng kikhak a pawtkhiak theihlouh ni 6 na ahiam ahita. Pathian zar in inkuan in ana ki omkha geih a, a chihzia khopmai, Hiai hii leng tungtang gen leh sak a tama, sorkar tuamtuam hi in sahkho tuantuam a heutute hitaleh a gente uh sim ding, ngaih ding a dim in om hi. Himahleh huaite va sim leh va ngaih sen ding le abang kei. Ngaihsak luatlouh bang le hoihzaw leh kilawm mai hi. Theihseng ding hilou ahihman in. Pathian a kingak a, sorkalte thu man a inn a ki om hithiat hoihpen mai ding in a gintakhuai.
Hiai thil hong om leh a hii kaikhak a natna vei ding lauhhuai a pilvan a kul mahmah lai in, hiai in thilhoih hon tut tampi leng a om ngei ding. Adiak in inkuan omkhopna, nek leh dawn, tep leh mmuam kidekna, environment, ecological balance hoih leh a poimohpen Pathian phawkna chih khong hi ding hi. Himahleh tuni in huaite sui leh gen i sawm kei.
Hinkhua pangngai leh ngeina dan in ki zang theikei mahleh buaisiatna leh haksaluatna kituak tadihlou in. Pathian zal a hong huchih den touh le i lamen hi. Himahleh koi kuamkuam hiam ah niteng nektawm zong haksa taktak bel tampi om kha ding a, Pathian in huchibangte ompihta hen. Social media a muhdan in police lam in a vakkhete nak zep sim abang ua, a kisualna ua police sikha bang le om zozen hi. Sorkal lamin poimoh leh a louhtheilouhte kizuak ding a lei theiha om ding chi ua, huaite lei dinga pawtkhete in police khut ana thuak zel uleh bel buaihuai tuak mahmah. Sorkal dem a mohsakna di zong le demna ding a tam dia, mipi lam le huchi bok. Ahikha dandan pom a mimal a pilvan leh ki control siam chiat ding hihtuak pen hi.
Huai i chih hang in kisakkholhna di hun om deuh hileh tuh hiai sanga nuamzaw a inn om dia le kigin theih an omkha ding hiven. Maituamna (mask) khong bek le kilei man di hia, chile lah huaite leh sanitizer chihte khong pharmacy/dawr a muhding omlou, lei i sawmsawm hang a kingahlou bel hizel. Antang, sathau, dal, allu leh mehhou bangzah hiam i neih nak leh hunsak ding chi zel mai ni. Ngaihtuah khaawllou pi a, inn a office nasep khita blog gelh dia lutsuak mai a kihihna ah hiai teng, hichi gelh ding chih omlou ahi a, gelhnop lah tam ven. Koilam manoh a gelh a bang teng gelh ding ahia chih le theih hak ei.
Hilele a background a T-Melody la play kawm in hihzek lai nai le. Diktak in chu laptop bang i khoihlouhna sawt mahmahta, hiai hileng lock down ziaka, office kikhak; phualpi solkal list dana kou sepna insurance le essential commodities/services nuai a omkha ahihziak a office khak si lah nasem si (inn a nasem) chihdan a ki omkha ahi a.Boss lamte'n lah thil tuamtuam a hon nor ngeina bang ua hon nor uh, a mail gelhdan paizia u leh phone a athugen uh paizia kibang thou.Office kai mah kibang thou. Hichipi a inn a nna le bangchi sep ding a diam ah. Office a system (computer software) internet leh VPN a zawllut a sep hihtheih tan om mahleh hihtheihlouh le a dim a om hi si. Aa.. office nasep lam zaw gensau dah zaw ni.
Anteh khong leh nek ding Pathian zar in musam mahle, gamdai a Israelten "muinam" lunggulh a aphun bang deuh un, sa hi in nga hitaleh lei ding, muh ding a omkei. Lungkimmoh uh Israelte chih la dan a i muhlouh ziak mah ahi dinga, lungsim ning khat ah huai lam pang hong lut nak hi. Hun pangngai ale thagum zanglou, damtheihna dia sa nek khong a kidek sim ki hithou mahleh huchibang ngaihtuahna om thou sek mawk hi. Mihing tak hichu aw.. Kuate hiam chihdan a "setan khemna ahi" chih suk mai di ahih kei leh. Ei kia kihi kei, i tate bang in le sa duhhuai na e bang hon chih zokmah u leh.. Zanni in zaw a Nu Mary leh a pasal in kawlnawn nilaini chianga vok gou ding om, asa na deih di uhia chih hon dong ua. Voksa zaw ama a le kidek, tate le nesaklou di chia ki lei ngeilou sim ahihna ah deihlou na ki chi hi.
Tuni tageet, invengte khat in kel gou dek a oma, a lei di mi ka sawl dek a na deih di leh.. hon chi a, deihlouh chih sawm hi napi, tate khong i ngaihtuah leh "ok. half kg" chih suk mai in a om a, dakkal nih nung khong in inn ah hong pe pah ngei uhi. Nitaklam chia huan di hi peuhmah lou di hia. I taksa a ding a ahoih leh hoihlouh thutuam, hun sawtkuam nunga kelsa nek ding i ngaihtuah leh lim simten ding in gintak huai hi. Aieng toh meat masala khong toh marinate a ka koih hiven..Sa toh kizomlou khat toh genzom le. Ka inkong ua inn hoih mahmah, nidanga income tax dept. in a luah uh ahi a chih uh a awng leh hawm in kum thum lam bang omta a, nikum in Marwari khat in a leikhia a flat a lamdek leh vengsung mite'n lem asa kei uh chih kigen khong ka zakha a, dik mah adiam ah tutan in awng lai hi.
A compound bang hunkhop a om a, lei hoih le ahi ngei dia, loupa poudim in hing dipdip hi. Ka gelet dan in huai loupa poute lak ah angzouteh, bawngekteh leh mehtheih ding bangbang ahiam om ding in ka gingta tinten hi. Ka hulliap uapan a en deuh gige a, lockdown nung sunday bazar chih bang om nawnlou ahihman in meh ding lei theih mu zeuhzeuh mahle, ei duh antehte muh ding omlou a, huai compound sung va velchian ding in etlah huai ten sek hi. Va huchih hial dia lah mi muhlouh lai deuh, zingkal baih deuh khong ngai ding ban ah a gate chabi in ki kalh tlat mai zel a. A gate a va ki kal gongong le zaw tawmlut theih dan le omkha ding hiven. Huchih hial lah ki utsamlou, ut hilele kou gate bang le inneiten tulai kuamah vakkhelou chihbawl uh a diam, hong hak thei mahmah uhi. Inkong mun neuchik khat a motor nih leh two wheeler bangzah hiam ki hen a ki park ahihman in gate chabi la dia amau in lama va paina ding le mun awnglou a amau hon kingak mai sek hiven. Inkong a compound gal-et zel mai di hilou di hia.
A compound bang hunkhop a om a, lei hoih le ahi ngei dia, loupa poudim in hing dipdip hi. Ka gelet dan in huai loupa poute lak ah angzouteh, bawngekteh leh mehtheih ding bangbang ahiam om ding in ka gingta tinten hi. Ka hulliap uapan a en deuh gige a, lockdown nung sunday bazar chih bang om nawnlou ahihman in meh ding lei theih mu zeuhzeuh mahle, ei duh antehte muh ding omlou a, huai compound sung va velchian ding in etlah huai ten sek hi. Va huchih hial dia lah mi muhlouh lai deuh, zingkal baih deuh khong ngai ding ban ah a gate chabi in ki kalh tlat mai zel a. A gate a va ki kal gongong le zaw tawmlut theih dan le omkha ding hiven. Huchih hial lah ki utsamlou, ut hilele kou gate bang le inneiten tulai kuamah vakkhelou chihbawl uh a diam, hong hak thei mahmah uhi. Inkong mun neuchik khat a motor nih leh two wheeler bangzah hiam ki hen a ki park ahihman in gate chabi la dia amau in lama va paina ding le mun awnglou a amau hon kingak mai sek hiven. Inkong a compound gal-et zel mai di hilou di hia.
Zumhuai sim abang na a, sahdah bang le hong bei khong mawk, koi a va lei zok di adiam ah. Ngolh sawm di hia ahihkeileh a leina di zon ding chih ah lungsim kisual saksak lai tuh a ki hi a. I gen-ut khollouh, i leinop sim dang bang le om lai veh e, a leina di mun le i thei kholkei a hiven. Thei hilele tu hun bang in zaw a man a tam viau zel mai diam ah. Khai! genlouh louh di ki genkha in teh, huailam hun phot heh. Covid 19 positive le bangzah pha ahita ngei diam ah, naute leh a nu in a ngaihven khop mai ua, ken zaw utube khong a hiai hii toh kisai bangbang ahiam a genna te uh ensek mah leng niteng a India bangzah a pung, mi bangzah si chihte amau gen ka zak khong a kinga mai ka hi.
Hiai hun i hun tuah uhi kibawlna ding leh ahoihlam a i zattheih leh hun hoih leh lemtang mahmah khat tuh ahi peuhmah ding chi nawn geet le.
Pathianthu in a hun leh ni ding kitheilou, kiging gige a om ding a chih khong hunsalou leh laisiangthou, Pathian hatkhum a gelh a buching a omnung, nungzuipiten Petecost ni a khasiangthou a tan ua thillamdang ahihtheihna uh mi bangzah hiam kianga a piaksawn theih uh, huaiten a piaksawnna uh baibul a muh ding omlou leh thukhunlui huna zawlneite lah bei chih phetlouh kam siangta, a DAN le kikhekta ahih nung, tuni a hiai hipi len ziaka zawlnei kichi pung khong leh khovel tawp dekta, rapture e bang e chia hi vengvung pawl lah beilou. Hiailam pan le kaihzan a gehsau deuh bang le uthuai sim bang mahleh huchih dah ni.
Hiaizah chiphot ni. Gelh suk ziahziah leh a kihi a, koilam lam a paikha le ahi diam ah, ahi hi hita ve.Dam leh zinglam chiang in le gelh zel i sawm di u chu.
No comments:
Post a Comment