Dena ka gelh pen zoubaih lua ka diam ah, dak 5 le a ging nai kei ka chi. Pai dia lah hichiah nailou ahihman in hiai PART 2 ahi mai di chu. Bang lam hon manoh diam ah.. Ken le tutan a thei nailou lai ka hi. Houlua chia a sim peihlou a om lelah amau thu, ana sim peih ana sim om zenzen leh lah hoih hi pakhat zel chi d'u chu.
Huai ka chih chiah leh khat hong suak a, huai tuh FEEDBACK. Mi laigelh i sim chiang hiam, utube khong a thil i et hiam chiang khong in feedback gelh ki taima khol hetlou hi. Hiai ka blog a laigelh omzekte bang le a sim mi a tamkei di chih ka thei chiang, himahleh ana sim sunsunte in le comment nusia ahiam feedback gelh chih om tuan khollou hi. Kibang kual vek sim le zaw ki hihtuak mah.
A hoihlam hi in, a hoihlou lam hita leh feedback tuamtuam a omtheih leh ki zadah khollou ding hi. Lai ginalou chikchik khong ki gelhgelh sam, hoihlou asate bek in ginna saklouhdan uh gen hon nei le uh, huai apan kibawldik ding a om lele kibawl dik baihlam ding hi. Mihing eimah leh eimah kithei chiang lua kisa mahle hang eimah leh eimah kimuthei khol hetlou ngen ki hisim in. I ego in hon kideihkhop sak le houh a diam ah. A hoihlou lam huchi hitaleh, a hoihlam bang zak nuam mahmah nawn ding hi. Mihing social animal, social being ahi a chih uh kha ana hihtuak ngut mah hiveh aw.
Hiai i gente feedback leh phatna deihlua chihdan zaw ki hi sam kei. Tup neilou pi a lai i hon gelhsuk leh a hong pawtpawt, a hong pawt dandan a ki thaisuk mai hisam.
A kizom emaw, a kizom kei e maw. Thei khang. Nitenga sunnitum, zankhovak phial a whatsapp leh facebook khong a kinial leh kina dente khong hatzou tak uh le zaw sa mai ing. A hun uh, a chidamna uh genlouh a neih le neizou theilua uh sak in om ban ah insung khong ah le nna poimoh nei khollou uh a diam chih kon genlut hamham dia huchi in tuni a ding in tawplam manoh ka hi mai di. Inkong lama vaite Holi zangte thawm, Bollywood music a play uh takngial le zak ding a om mang nawnkei a, gimgawp uh hitan teh.
Denchiah kipai hak khaleh hong halhkik a nitaklam program hon pan nawn le uh hong hi vengvung geet kha un chin.
No comments:
Post a Comment